呢個任務名為︰祈雪祭

　　任務內容︰係要咁多位勇士一齊為灑雪小矮人搜集『永恆的雪花』，然後打低雪人Boss

　　詳細內容︰

　　首先，大家想進入聖誕公園，就必須要去其中一個村入面搵NPC露妮，同佢對話後佢就會送你去聖誕公園嫁喇！（露妮位置o係邊，要勇士自己搵下喇，唔好咁懶啦）

　　入到聖誕公園，大家會見到四周圍都有好多禮物盒，打開佢就會掉出一對『魔法手套』，對手套係俾大家裝備住，咁去到冰雪區域就唔怕凍傷啦！裝備左之後，就要去搵NPC麋鹿諾古，同佢傾計啦，佢會教你點樣搜集『永恆的雪花』，仲會帶你進入『冰雪區域』嫁。入去之前，佢仲一定要你帶左『魔法手套』，佢先會俾你入去嫁！入到去記住一定唔可以除手套嫁，如果唔係……即刻凍死！

　　進入到『冰雪區域』後，大家將打怪搜集翻黎既『永恆的雪花』交俾NPC灑雪小矮人，佢會話俾大家聽，仲差幾多雪花先夠嫁。而每次勇士們係需要搜集3000個『永恆的雪花』灑雪機就會開灑雪。並且會灑出『雪球』，大家就要快D雙擊『雪球』，將佢裝備好準備戰鬥喇！

　　就o係呢個時候，Boss雪人出現喇！大家要好似將裝備好既雪球，起勢咁掟佢喇！唔使留手嫁！掟到佢變形為止，當佢第一次變形，就會變大成個碼嫁！繼續掟佢啦，掟到佢變成超級大肥佬=0=！好得人驚哦！大家只要同心合力一齊KO佢，佢就會掉落聖誕禮物，大家拎住聖誕禮物，就可以去同NPC巴迪接取獎品同埋經驗值嫁喇！

　　呢個任務，一定要集合各位勇士既力量，齊心協力咁去打低雪人嫁！大家要注意哦，如果3小時內唔能夠消滅雪人，佢就會消失，咁大家就連渣都冇嫁喇…各位勇士！加油呀！